रत्नागिरी, दि. ३० (जिमाका): शासकीय तंत्रनिकेतन, रत्नागिरी या संस्थेच्या स्वच्छतेसाठी आणि बागकामासाठी शैक्षणिक वर्ष २०२६-२७ करिता ‘सफाईगार’ व ‘माळी’ ही पदे कंत्राटी करार पद्धतीने भरण्यात येणार आहेत. या कामासाठी इच्छुक आणि पात्र कंत्राटदारांकडून मोहोरबंद निविदा अर्ज मागविण्यात येत आहेत. इच्छुक कंत्राटदारांनी कोऱ्या निविदेचा अर्ज संस्थेच्या कार्यालयातून दि. ३० जून ते ७ जुलै २०२६ या कालावधीत (कार्यालयीन कामकाजाच्या दिवशी) मिळवून घ्यायचा आहे. या कोऱ्या निविदा अर्जाची किंमत ३०० रुपये निश्चित करण्यात आली आहे.
निविदा अर्जातील सर्व माहिती पूर्ण भरून, तो मोहोरबंद लिफाफ्यात दि. ८ जुलै रोजी दुपारी ३ वाजेपर्यंत शासकीय तंत्रनिकेतनाचे प्राचार्य यांच्या कार्यालयात सादर करणे आवश्यक आहे. प्राप्त झालेल्या सर्व निविदा दि. ९ जुलै रोजी दुपारी ३ वाजता उपस्थित कंत्राटदारांच्या समक्ष उघडण्यात येतील.
या कंत्राटी भरती प्रक्रियेबाबतचे सविस्तर नियम व अटी निविदा अर्जासोबत देण्यात आल्या आहेत, अशी माहिती तंत्रनिकेतन प्रशासनातर्फे देण्यात आली आहे.
